ჩანგლიანი დამტვირთველი — რა არის, როგორ მუშაობს, რა უპირატესობები აქვს და რითი განსხვავდება სხვა ალტერნატივებისგან

წარმატებული ბიზნესის ერთ-ერთი მთავარი საყრდენი მასალების შეუფერხებელი მოძრაობაა. ნედლეულის მიღება, საწარმოო ხაზზე გადატანა და მზა პროდუქციის საწყობიდან გატანა სისწრაფესა და სიზუსტეს მოითხოვს.

ჩვენს მომხმარებლებს ამ ამოცანების შესასრულებლად ჩანგლიან დამტვირთველს ვთავაზობთ. სასაწყობე ტექნიკიდან ის ერთ-ერთი ყველაზე მოთხოვნადი მოწყობილობაა, რომელიც საწარმოო ოპერაციებს ამარტივებს. 

რა არის ჩანგლიანი დამტვირთველი და რისთვის გამოიყენება?

ჩანგლიანი დამტვირთველი მძლავრი, თვითმავალი ტექნიკაა, რომლის მთავარი ამოცანა მძიმე ტვირთის აწევა და ერთი ადგილიდან მეორემდე გადატანაა. დამტვირთველის წინა ნაწილზე ორი ლითონის ჩანგალია დამაგრებული, რომლებიც ტვირთს ქვემოდან ეჭიდება და მაღლა უსაფრთხოდ სწევს. 

ჩანგლიანი დამტვირთველები თითქმის ყველა ინდუსტრიაში გამოიყენება, სადაც კი ტვირთებთან მუშაობაა საჭირო. მაგალითად:

• ლოგისტიკურ ცენტრში, სადაც ტვირთია ჩამოსაცლელი და დასასაწყობებელი;

• საწყობში ის პალეტებს მაღალ სტელაჟებზე ათავსებს და ამით სივრცის ვერტიკალურად ათვისებას ხდის შესაძლებელს.

• საწარმოში დამტვირთველი საწარმოო ხაზს საჭირო ნედლეულით ამარაგებს ან უკვე მზა პროდუქცია გადააქვს შესაფუთ თუ შესანახ ზონაში.

ამრიგად, ყველგან, სადაც დიდი მოცულობისა და წონის ტვირთის მართვაა საჭირო, ჩანგლიანი დამტვირთველი გამოიყენება.

როგორ მუშაობს ჩანგლიანი დამტვირთველი?

ჩანგლიანი დამტვირთველი ეფექტურად სამი ძირითადი მახასიათებლის, სიმძლავრის, სტაბილურობისა და მანევრულობის გამო მუშაობს.  

როგორ არ ყირავდება დამტვირთველი?

ამ შეკითხვაზე პასუხი ფიზიკაში უნდა ვეძებოთ. დამტვირთველი  ბერკეტის წონასწორობის პირობის მიხედვითაა აგებული — წარმოიდგინეთ სასწორი ან საქანელა, რომლის ერთ მხარეს მოთავსებულ სიმძიმეს მეორე მხარეს არსებული წონა აბალანსებს. ამავე პრინციპით, მოწყობილობის კონსტრუქციის უკანა ნაწილი სპეციალურადაა დამძიმებული. ეს მასა აწონასწორებს ჩანგლებზე მოთავსებულ ტვირთს და იცავს მანქანას გადაყირავებისგან.

როგორ იღებს მოწყობილობა ტვირთის ასაწევ სიმძლავრეს?

ტვირთის ვერტიკალურ მოძრაობაზე ანძა, ანუ დამტვირთველის წინ განთავსებული მეტალის კონსტრუქციაა პასუხისმგებელი. თვითონ ანძის ასამოძრავებლად საჭირო ენერგიას კი ჰიდრავლიკური სისტემა ქმნის. ოპერატორი კაბინიდან სიმძლავრეს უმატებს და ჰიდრავლიკურ სისტემაში სპეციალური სითხის (ზეთის) მოძრაობა იწყება. ეს სითხე მაღალი წნევით შედის ცილინდრებში (მეტალის მილებში) და ავსებს მათ. ამ პროცესის შედეგად ანძა ტვირთთან ერთად მაღლა იწევა ან დაბლა ეშვება. 

როგორ მანევრირებს ჩანგლიანი დამტვირთველი შეზღუდულ სივრცეში? 

ჩვეულებრივი ავტომობილისგან განსხვავებით, დამტვირთველი უკანა ბორბლებით იმართება. ამის გამო, მას ძალიან მცირე რადიუსზეც კი შეუძლია მოხვევა და შეზღუდულ სივრცეებში მარტივად გადაადგილდება.   

ჩანგლიანი დამტვირთველის უპირატესობები

ერთი ოპერატორის მიერ მართული დამტვირთველი იმ მოცულობის სამუშაოს ასრულებს, რომელსაც სხვაგვარად რამდენიმე თანამშრომელი და გაცილებით მეტი დრო დასჭირდებოდა. ის საგრძნობლად აჩქარებს ტვირთის ჩატვირთვა-გადმოტვირთვისა და დასაწყობების პროცესებს. შედეგად, თანამშრომლები რუტინული ფიზიკური სამუშაოსგან თავისუფლდებიან და მათ შეუძლიათ, დრო და ენერგია უფრო მნიშვნელოვან ამოცანებს დაუთმონ.

მძიმე ტვირთის ხელით აწევა სამუშაო ადგილზე ტრავმების ერთ-ერთი მთავარი მიზეზია. დამტვირთველი ამ რისკს ამცირებს, რადგან ის ფაქტობრივად აქრობს ზურგისა და კუნთების დაზიანების საშიშროებას. ამასთან, თანამედროვე მოდელები, მაგალითად, Toyota-ს დამტვირთველები, აღჭურვილია აქტიური სტაბილურობის სისტემებით (SAS), რომლებიც ავტომატურად აკონტროლებენ მანქანის ბალანსს და ამცირებენ გადაყირავების რისკს.

სივრცის უკეთ ათვისება დამტვირთველის ერთ-ერთი ყველაზე დიდი სარგებელია. ტვირთის ვერტიკალურად, მაღალ სტელაჟებზე დასაწყობების შესაძლებლობა კომპანიას საშუალებას აძლევს, იმავე ფართობის საწყობში გაცილებით მეტი პროდუქცია განათავსოს. ეს კი, თავის მხრივ, ამცირებს დამატებითი სასაწყობე ფართის საჭიროებას, რაც ფინანსურ რესურს ზოგავს.

ჩანგლიანი დამტვირთველი, შტაბელერი თუ როხლი?

ხშირად ერთმანეთში ურევენ სამ განსხვავებულ მოწყობილობას ე.წ. როხლს, შტაბელერსა და ჩანგლიან დამტვირთველს. რეალურად, თითოეული მათგანი კონკრეტული ამოცანებისთვისაა შექმნილი. 

როხლი ყველაზე საბაზისო და მარტივი მოწყობილობაა. ის გლუვ ზედაპირზე მოძრაობს და პალეტს ჰორიზონტალურ მდგომარეობაში გადააადგილებს. როხლის შესაძლებლობები შეზღუდულია, იატაკიდან ტვირთს სულ რამდენიმე სანტიმეტრით სწევს, მხოლოდ იმდენით, რომ ის პლატფორმაზე გადააგოროს.  ამ მოწყობილობის გამოყენება სატვირთო მანქანის ძარაში სამუშაოდ ან პალეტის ერთი წერტილიდან მეორეში, ახლო მანძილზე გადასატანად შეიძლება.

შტაბელერი როხლსა და დამტვირთველს შორის შუალედურ ადგილს იკავებს. გარეგნულად ის ელექტრო ურიკას ჰგავს, რომელსაც ვერტიკალური ანძა დაუმატეს. როხლისგან განსხვავებით, მას შეუძლია ტვირთის აწევა და სტელაჟის მეორე ან მესამე იარუსზე განთავსება. მას კომპაქტური ზომა აქვს, ამიტომ კარგი არჩევანია მცირე და საშუალო ზომის საწყობებისთვის, სადაც დერეფნები ვიწროა.

მძიმე ტვირთის გადასაადგილებლად და რამდენიმე მეტრ სიმაღლემდე ასაწევად ჩანგლიანი დამტვირთველი გამოიყენება. შტაბელერისა და ურიკისგან განსხვავებით, ის გათვლილია როგორც შიდა, ისე გარე სამუშაოებისთვის, უძლებს დიდ დატვირთვას და ოპერატორისთვის უფრო კომფორტული და უსაფრთხოა. 

ბევრჯერ გსმენიათ, რომ თითოეულ სასაწყობო ტექნიკას თავისი უნიკალური დანიშნულება აქვს და არ იცით, რომელი ამოცანების შესასრულებლად უნდა შეარჩიოთ ჩანგლიანი დამტვირთველი?  მისი გამოყენება რეკომენდებულია მაშინ, როდესაც:

• ტვირთის წონა 2-2.5 ტონას აღემატება;

• აწევის სიმაღლე 4-5 მეტრზე მეტია;

• სამუშაო ინტენსიურია, რამდენიმე ცვლას მოიცავს, ან გარე პირობებსა და უსწორმასწორო ზედაპირზე მიმდინარეობს.

დამტვირთველის, სხვა სასაწყობე ტექნიკისა და სივრცის ოპტიმიზაციისთვის მიმართეთ K2-ის გუნდს

სასაწყობე ტექნიკის შერჩევა შეიძლება რთული იყოს, რადგან გადაწყვეტილება ბევრი ფაქტორის გათვალისწინებით უნდა მიიღოთ. ამიტომ, ამ პროცესში ძალიან მნიშვნელოვანია ისეთი კომპანიის შერჩევა, რომელიც სანდოც იქნება და კომპეტენტურიც. 

K2 ინტრალოგისტიკური კომპანიაა, რომელიც 8 წელზე მეტია ამ სფეროში სიახლეების დანერგვას ცდილობს და თუ მომხმარებლების უკუკავშირს გავითვალისწინებთ, ამ მისიას წარმატებით ასრულებს. 

ჩვენი მთავარი უპირატესობა ბიზნესებისთვის მრავალფეროვანი სერვისის შეთავაზებაში მდგომარეობს. მათ შეუძლიათ ერთ გუნდს მიანდონ დაგეგმვის, ტექნიკით აღჭურვისა და ოპტიმიზაციის საკითხები. უფრო მეტი კომფორტისათვის გთავაზობთ ტექნიკურ მომსახურებასაც მთელი საქართველოს მასშტაბით.

ჩვენი გამოცდილი გუნდი გთავაზობთ სრულ საკონსულტაციო მომსახურებას, რათა ბიზნესის საჭიროებებზე მორგებული ტექნიკა შეარჩიოთ. პროდუქციის ხარისხი კი გარანტირებულია, რადგან K2 მსოფლიოს წამყვანი ბრენდების, მათ შორის ტოიოტას, ექსკლუზიური პარტნიორია საქართველოში. 

ყველა საწყობსა და ბიზნესს უნიკალური მახასიათებლები, სივრცის განაწილება, დატვირთვა და საჭიროებები აქვს. ამიტომ, ერთი და იგივე ტექნიკა ყველასთვის ერთნაირად ეფექტური ვერ იქნება. მოგვენდეთ ჩვენ — გავაანალიზებთ პროცესებს და იმ კონკრეტულ ტექნიკასა თუ სერვისს შემოგთავაზებთ, რომელიც რეალურად გააუმჯობესებს სამუშაო გარემოს.