ყველაფერი სექციური კარის შესახებ

სექციური კარი, რომელიც დღეს ასე მარტივად იღება და იხურება, სინამდვილეში ხანგრძლივი განვითარებისა და საინტერესო ისტორიის მქონე გამოგონებაა. მისი დღევანდელი სახე საზოგადოების მზარდ მოთხოვნებსა და ტექნოლოგიურ მიღწევებზე პასუხია. 

ყველაფერი მე-20 საუკუნის პირველ ნახევარში დაიწყო. მაშინდელი ავტოფარეხის კარები, როგორც წესი, მძიმე და მოუხერხებელი იყო, რომელიც გასაღებად დიდ სივრცეს მოითხოვდა. 1921 წელს კი, ინჟინერმა კ. ჯ. ჯონსონმა ამ პრობლემის გადაჭრა სრულიად ახლებურად სცადა. მისი იდეა იყო, შეექმნა კარი, რომელიც ცალკეული პანელებისგან აეწყობოდა —  აწევისას ეს სექციები ჰორიზონტალურად დაიკეცებოდა  და ჭერის პარალელურად, სპეციალურ მიმმართველ პროფილებზე განთავსდებოდა. საწყის ეტაპზე, ამ გამოგონებას ორი მთავარი უპირატესობა ჰქონდა: ზოგავდა სივრცეს და უფრო მოხერხებული იყო. 

ჯონსონი არა მხოლოდ გამჭრიახი გამომგონებელი, არამედ მარკეტინგის კარგი მცოდნეც აღმოჩნდა. იმისათვის, რომ თავისი ინოვაცია ფართო  მასებისათვის გაეცნო, მან სექციური კარის ფუნქციონირებადი მინიატურული მოდელი სატვირთო მანქანის ძარაზე დაამონტაჟა. შემდეგ კი  ე.წ. მოძრავი შოურუმით ის მთელ ამერიკაში მოგზაურობდა და თავის გამოგონებას ავტოშოუებზე, სამშენებლო გამოფენებსა თუ სახლების პრეზენტაციებზე წარადგენდა. შედეგმაც არ დააყოვნა – სექციური კარი სწრაფად გახდა პოპულარული.

სექციური კარის განვითარების შემდეგი მნიშვნელოვანი ეტაპი მასში ამძრავი მექანიზმის ინტეგრირება იყო. ამან კარის გამოყენება კიდევ უფრო კომფორტული გახადა – ღილაკზე ერთი თითის დაჭერით ის ავტომატურად იღებოდა და იხურებოდა. 

პარალელურად, იცვლებოდა და იხვეწებოდა მასალებიც. თავდაპირველად ხე გამოიყენებოდა, რადგან უფრო ხელმისაწვდომი მასალა იყო. მე-20 საუკუნის შუა წლებიდან კი ბაზარზე ლითონის, კერძოდ, ფოლადისა და ალუმინის სექციური კარები გამოჩნდა. ერთი უფრო მტკიცე, მეორე კი უფრო მსუბუქი და კოროზიისადმი მედეგი იყო. მოგვიანებით მისი წარმოება კომპოზიტებისაგანაც დაიწყეს — მინაბოჭკოვანი მასალისა და ვინილისაგან დამზადებული კარი არ იკაწრებოდა, არ იბზარებოდა და არც ხუნდებოდა.  

ასე, ეტაპობრივად, მუდმივი ძიებისა და გაუმჯობესების შედეგად, სექციური კარი გადაიქცა იმ მაღალტექნოლოგიურ, უსაფრთხო და კომფორტულ პროდუქტად, რომელსაც, მრავალი უპირატესობა აქვს.

რატომ სექციური კარი — მისი მთავარი უპირატესობები

სექციური კარის ფართოდ გამოიყენება როგორც კერძო, ისე კომერციული მიზნებისათვის. ამას კი მისი უპირატესობები განსაზღვრავს.  მაგალითად, ვერტიკალური გახსნის მექანიზმი, შიდა და გარე სივრცეებს არ იკავებს და ჭერის პარალელურად თავსდება. შედედაგ, ჩვეულებრივი კარისაგან განსხვავებით, ის არ საჭიროებს დამატებით ადგილს გახსნა-დახურვისას, რაც ავტომობილის კართან ახლოს პარკირების შესაძლებლობასაც კი იძლევა. 

უსაფრთხოების მაღალ დონეს მყარი, მრავალპანელიანი კონსტრუქცია და თანამედროვე, მრავალწერტილოვანი ჩამკეტი სისტემები განაპირობებს. ზოგიერთი მწარმოებლის, მაგალითად Hörmann-ის პროდუქცია, RC2 კლასის უსაფრთხოების სტანდარტს (EN 1627) შეესაბამება. ეს ნიშნავს, რომ კარი შემოწმებულია და დაახლოებით 3 წუთის განმავლობაში უძლებს ისეთი საბაზისო ინსტურმენტებით გატეხვის მცდელობებს, როგორებიცაა: სახრახნისი, ბრტყელტუჩა და ა.შ. ეს დრო სრულიად სამარისია იმისათვის, რომ უდსაფრთხოების სამსახურებმა რეაგირება მოახინონ. 

ამასთან, თბოიზოლაცია და ენერგოეფექტურობა ის სარგებელია, რომელიც განსაკუთრებით ღირებულია სექციური კარის სასაწყობე მეურნეობებში გამოყენებისას. თბოსაიზოლაციო მასალით შევსებული პანელები ამცირებს შიდა სივრციდან ენერგიის დანაკარგს და სტაბილური კლიმატის შენარჩუნებას უწყობს ხელს. ეს ფაქტორი კრიტიკულად მნიშვნელოვანია იმ პროდუქციის — კვების ან ფარმაცევტული — შენახვისთვის, რომელიც სითბური რეჟიმის ცვლილებებისადმი მგრძნობიარეა. ჩვენ მიერ შემოთავაზებული სექციური კარი, 67 მმ-მდე სისქის პანელებითა და სპეციალური თბოხიდებით, თბოიზოლაციის თვალსაზრისით გამორჩეულ შედეგს იძლევა, რაც სითბოს გადაცემის დაბალი კოეფიციენტით (U-Value 0.33 W/(m²·K)-მდე) დასტურდება.

ხანგრძლივი ექსპლუატაცია კოროზიისადმი მდგრადი მასალებითა (გალვანიზებული ფოლადი, ალუმინი) და ინტენსიური გამოყენებისთვის გათვლილი მექანიზმებით მიიღწევა. მაგალითად, Hörmann-ის კარები 25,000-ზე მეტ გახსნა-დახურვის ციკლზეა ტესტირებული. ფუნქციონალურობასთან ერთად, მოდელების ფართო არჩევანი (პანელების დიზაინი, ფაქტურა, ფერი) საშუალებას იძლევა, კარი ვიზუალურად შენობის არქიტექტურულ სტილს შეესაბამებოდეს.

ავტომატიზაცია კარის გამოყენებას ბევრად მოსახერხებელს ხდის — დისტანციური მართვის პულტებით, კედლის ღილაკებითა და სხვა სისტემებით მისი მართვა მარტივია. თანამედროვე ამძრავი მექანიზმები, მაგალითად Hörmann-ის WA 500 FU, კარს სწრაფად (1 მ/წმ-მდე) და მდორედ ამოძრავებს. ასევე, მოდულური კონსტრუქცია საგრძნობლად ამარტივებს მოვლა-შეკეთებას: დაზიანებული პანელი მთლიანი კარის დაშლის გარეშე იცვლება.

შესაბამისად, სექციური კარი ტექნოლოგიურად და ფუნქციურად გამართული მოწყობილობაა, რომელიც უსაფრთხოების, ენერგოეფექტურობის, გამძლეობისა და კომფორტის კუთხით სხვადასხვა ტიპის ობიექტებს ერგება. 

სად და რატომ გამოიყენება სექციური კარი?

სექციური კარი, თავისი უნიკალური კონსტრუქციისა და მრავალმხრივი უპირატესობების წყალობით, დღეს თითქმის ყველგან გვხვდება – კერძო სახლებში, მრავალბინიან საცხოვრებელ კომპლექსებსა თუ უზარმაზარ სამრეწველო ობიექტებში. მოდით, უფრო უკეთ გავიგოთ, სად და რატომ ირჩევენ ამ ტიპის კარს.

• საცხოვრებელი სექტორი: სექციური კარი ზოგავს სივრცეს კერძო სახლების გარაჟებსა თუ მრავალბინიანი კორპუსების ავტოსადგომებზე, უზრუნველყოფს ოჯახისა და ქონების უსაფრთხოებას და ამასთან, თანამედროვე დიზაინის წყალობით, შენობას ესთეტიკურად მიმზიდველ იერს სძენს;

• კომერციული სექტორი: აქ სექციური კარები მრავალფუნქციურობით გამოირჩევა და ბიზნესის მრავალფეროვან საჭიროებებს პასუხობს. მაგალითად, საწყობებსა და ლოგისტიკურ ცენტრებში ტვირთის შეუფერხებელ მოძრაობას უწყობს ხელს. ავტოსერვისებში, სარემონტო სახელოსნოებსა თუ ავტოსამრეცხაოებზე კი სექციური კარები ინტენსიური, ყოველდღიური გამოყენებისა და სპეციფიკური პირობების (მაგალითად, მაღალი ტენიანობა, ტემპერატურის ცვლილებები) მიმართ მდგრადობით გამოირჩევა.

• სამრეწველო სექტორი: ისეთ გარემოში, სადაც უმთავრესია განსაკუთრებული სიმტკიცე, უსაფრთხოება და ხანგრძლივი, ინტენსიური დატვირთვისადმი მედეგობა, სექციური კარები ფაქტობრივად შეუცვლელია. ქარხნებში, საწარმოო ხაზებსა თუ დიდ ლოგისტიკურ ჰაბებში სწორედ მძიმე პირობებზე გათვლილი კონსტრუქციები გამოიყენება.

მიუხედავად მრავალი უპირატესობისა, მნიშვნელოვანია აღინიშნოს, რომ ექსტრემალურად მაღალი ციკლურობის (ძალიან ხშირი გაღება-დახურვის) ან განსაკუთრებით აგრესიული სამრეწველო გარემოს პირობებში (მაგალითად, ქიმიურად აქტიური ნივთიერებების მუდმივი ზემოქმედება), სექციური კარის შესაძლებლობები, ალბათ, განსხვავებული იქნება. ასეთ შემთხვევაში კონსულტაცია K2-ის გუნდთან გაიარეთ.

სექციური კარის ექსპლუატაცია, უსაფრთხოება და მოვლა

სექციური კარის ხანგრძლივი და გამართული მუშაობისთვის მისი სწორი მოხმარება, უსაფრთხოება და მოვლაა საჭირო. ეს მარტივი რჩევების გათვალისწინება კარის ექსპლუატაციის ვადას საგრძნობლად გაზრდის.

რჩევები სწორი ექსპლუატაციისათვის 

მექანიკური კარის გაღებამდე, ყოველთვის დარწმუნდით, რომ ყველა მექანიკური საკეტი მოხსნილია. შემდეგ, კარი ბოლომდე აწიეთ თანაბრად, ზედმეტი ძალდატანების გარეშე. დაკეტვისას, ასევე თანაბრად და ნელა ჩამოსწიეთ და დარწმუნდით, რომ საიმედოდ ჩაიკეტა.

თუ თქვენს სექციურ კარს მცირე ზომის, ფეხით მოსიარულეთათვის განკუთვნილი ჩაშენებული კარიც აქვს, მთავარი სექციური კარის ამუშავებამდე აუცილებლად დარწმუნდით, რომ ეს მცირე კარი სრულად დახურული და ჩაკეტილია. ეს მარტივი მოქმედება დაგიცავთ როგორც სექციური, ისე ჩაშენებული კარის მექანიზმის დაზიანებისგან.

ავტომატური კარი ყოველთვის მისთვის განკუთვნილი მართვის საშუალებებით (დისტანციური მართვის პულტი, კედლის ღილაკი, კოდური პანელი და ა.შ.) ამუშავეთ. მოერიდეთ ხელით ძალდატანებით გაღება-დახურვას, თუ ეს სპეციალური ავარიული რეჟიმით არ არის გათვალისწინებული. აუცილებლად გაეცანით მწარმოებლის ინსტრუქციას და კარის უსაფრთხოების ფუნქციებს.

რჩევები უსაფრთხოებისათვის

კარის მოძრაობის არეალი (უშუალოდ ღიობი და მის ირგვლივ არსებული ტრაექტორია) ყოველთვის უნდა იყოს თავისუფალი ყველაფრისაგან, რამაც შეიძლება მოწყობილობის მოძრაობას ხელი შეუშალოს ან დაზიანება გამოიწვიოს.

არასდროს სცადოთ დაზიანებული (მაგალითად, გადახრილი, გაჭედილი, უჩვეულო ხმების გამომცემი) კარის ამუშავება. ეს სახიფათოა და/ან შეიძება უფრო სერიოზული პრობლემის გამომწვევი მიზეზი აღმოჩნდეს. ასეთ დროს, დაუყოვნებლივ კვალიფიციურ სპეციალისტებს მიმართეთ.

განსაკუთრებული ყურადღება და სიფრთხილე გამოიჩინეთ კარის ზამბარებისა და გვარლების მიმართ. ეს ნაწილები მაღალი დაჭიმულობის ქვეშ მუშაობს. მათი დაზიანების ან გაწყვეტის შემთხვევაში, კატეგორიულად იკრძალება დამოუკიდებლად შეკეთების ან შეცვლის მცდელობა – ეს ძალიან საშიშია და შეიძლება სერიოზული ტრავმით დასრულდეს..

რეგულარული მოვლა ხანგრძლივი ექსპლუატაციისათვის

პერიოდულად (მაგალითად, თვეში ერთხელ) ყურადღებით დაათვალიერეთ კარის პანელები, მიმმართველები, როლიკები, საკეტები და სხვა ხილული ნაწილები. მიაქციეთ ყურადღება შესაძლო მექანიკურ დაზიანებებს (მაგ. ბზარები, დეფორმაცია), კოროზიის კვალს, უჩვეულო ხმებს კარის მუშაობისას, ან მოძრაობის გაძნელებას.

ავტომატური კარის გამართული მუშაობისთვის, რეკომენდებულია ყოველთვიურად შეამოწმოთ მისი ბალანსი – ამძრავი მექანიზმის დროებით გათიშვის შემდეგ, კარი ხელით ადვილად და თანაბრად უნდა მოძრაობდეს. ასევე, დარწმუნდით, რომ უსაფრთხოების ავტომატური სისტემები გამართულად მუშაობს: შეამოწმეთ, რეაგირებს თუ არა კარი დაბრკოლებაზე ავტომატური გაჩერებითა და უკუსვლით

წელიწადში ერთხელ ან ორჯერ (ან მწარმოებლის მიერ მოცემული რეკომენდაციის შესაბამისად), შეზეთეთ კარის მოძრავი ნაწილები (როლიკები, საკისრები, ზამბარები – თუ ეს მითითებულია ინსტრუქციაში). 

პროფესიონალური სერვისი – როცა ექსპერტის დახმარებაა საჭირო

Hörmann-ის მაღალი ხარისხის კარებსა თუ სხვა მოწყობილობებს, მიუხედავად მათი გამძლეობისა, ზოგჯერ მაინც სჭირდება პროფესიონალის ხელი – იქნება ეს რთული ტექნიკური სამუშაო, მნიშვნელოვანი ნაწილების (ზამბარების, გვარლების, ამძრავი მექანიზმის) შეკეთება/შეცვლა, თუ გეგმიური შემოწმება. ასეთ დროს, შეგიძლიათ მშვიდად იყოთ – K2-ის გუნდი მზად არის, დაუყოვნებლივ დაგეხმაროთ.

ჩვენი მიდგომა კომპლექსურია: საწყის ეტაპზევე თქვენი ბიზნესის საჭიროებების იდენტიფიცირებასა და Hörmann-ის სექციური კარისა თუ სხვა სასაწყობე ტექნიკის შერჩევასა და მონტაჟში დაგეხმარებით. ნებისმიერი ტექნიკური პრობლემის წარმოქმნის შემთხვევაში, ჩვენი სერვისცენტრი სწრაფ რეაგირებას მოახდენს და კვალიფიციურ დახმარებას გაგიწევთ. 

აირჩიეთ სტანდარტი, რომელსაც ენდობით — დაგვიკავშირდით  და ერთად შევარჩიოთ მოდელი, რომელიც თქვენი საცხოვრებელი თუ სასაწყობე სივრცის ნაწილი გახდება.